Նախագծերի կառավարում շինարարության ոլորտում

Զարգացնել շինարարության ոլորտի մասնագետների նախագծերի կառավարման մասնագիտական կարողությունները, տրամադրել ժամանակակից մեթոդների, գործիքների և միջազգային լավագույն փորձի վերաբերյալ գիտելիքներ, ձևավորել շինարարական նախագծերի արդյունավետ պլանավորման, կազմակերպման և վերահսկման գործնական հմտություններ, զարգացնել սահմանված ժամկետների, բյուջեի և որակի պահանջներին համապատասխան նախագծերի իրականացման կարողությունները, նպաստել մասնակիցների կառավարչական որոշումների կայացման արդյունավետության բարձրացմանը և շինարարական նախագծերի հաջող իրականացմանը։

Դասընթացի ավարտին մասնակիցները կկարողանան կիրառել նախագծերի կառավարման միջազգային սկզբունքներն ու գործիքները շինարարական նախագծերի ամբողջ կենսացիկլի ընթացքում, մշակել նախագծի բովանդակությունը, ժամանակացույցը, բյուջեն և ռեսուրսների կառավարման պլանը, գնահատել և կառավարել նախագծային ռիսկերը, արդյունավետ կազմակերպել թիմային աշխատանքը և շահակիցների հետ հաղորդակցությունը, կայացնել հիմնավորված կառավարչական որոշումներ, ապահովել շինարարական նախագծերի արդյունավետ, ժամանակին և որակյալ իրականացումը։

Դասընթացի թեմատիկ ծրագիրը հասանելի է այստեղ:

I, II և III կարգերի մասնագետներ, 5-7, 9-11, 13-15, 17-19, 21-23, 25, 26 ծածկագրերով մասնագիտություններ՝ համաձայն ՀՀ քաղաքաշինության կոմիտեի նախագահի 2023 թվականի օգոստոսի 23-ի N 06-Ն հրամանի։

Մասնագիտությունների ամբողջական ցանկը և ծածկագրերը դիտել այստեղ:

Դասընթացը հաջողությամբ ավարտած մասնագետներին կտրամադրվի ՃՇՀԱՀ ռեկտորի և ՀՀ քաղաքաշինության կոմիտեի նախագահի կողմից ստորագրված վկայական:

Ճարտարապետության և շինարարության Հայաստանի ազգային համալսարանի  աշխատակիցները և ուսանողները կարող են դասընթացին մասնակցել վարձավճարի 20% զեղչով։

Դասընթացը երաշխավորված է ՀՀ կրթության, գիտության, մշակույթի և սպորտի նախարարության կողմից: Եկամուտների տարեկան հայտարարագիր ներկայացնող քաղաքացիները կարող են հետ ստանալ մինչև 100 000 դրամ՝ որպես սոցիալական ծախսերի փոխհատուցում:

Եթե շարունական մասնագիտական զարգացման դասընթացին մասնակցում եք քաղաքաշինության բնագավառում մասնագիտական հավաստագիր ստանալու նպատակով, խնդրում ենք մինչև գրանցվելը ուշադրություն դարձնել հետևյալ պահանջներին:

Դասընթացին մասնակցությունը և ՇՄԶ կրեդիտների ստացումն ինքնին չեն երաշխավորում մասնագիտական հավաստագրի տրամադրումը։

Հավաստագիր ստանալու համար մասնագետը պետք է համապատասխանի ՀՀ օրենսդրությամբ սահմանված պահանջներին, այդ թվում՝

·         մասնագետի կրթությունը, մասնագիտությունը և մասնագիտացումը պետք է համապատասխանեն հավաստագրման ենթակա մասնագիտությանը՝ ՀՀ քաղաքաշինության կոմիտեի նախագահի 2023 թվականի օգոստոսի 23-ի N 06-Ն հրամանով սահմանված պահանջներին համապատասխան,

·         մասնագետի մասնագիտական աշխատանքային փորձը պետք է համապատասխանի հավաստագրման ենթակա մասնագիտությանը,

·         դասընթացի համար նախատեսված ՇՄԶ կրեդիտները տրամադրվում են առնվազն 90% մասնակցության և ամփոփիչ գիտելիքի ստուգման գործընթացը հաջողությամբ անցնելու դեպքում։