Քաղաքաշինական գործունեություն իրականացնողների դերը շինարարության ավարտական փուլում

Զարգացնել քաղաքաշինական գործունեություն իրականացնող մասնակիցների գիտելիքներն ու գործնական հմտությունները ավարտված շինարարական օբյեկտների շահագործման ընդունման, փաստաթղթերի կազմման, ձևակերպման ոլորտում՝ համաձայն ՀՀ գործող նորմատիվատեխնիկական պահանջներին:

Դասընթացի ավարտին մասնակիցը կկարողանա ձեռք բերել անհրաժեշտ գիտելիքներ և գործնական հմտություններ շինարարական աշխատանքների ավարտական փուլի կազմակերպման, որակի վերահսկման և ավարտված շինարարական օբյեկտի շահագործման ընդունման գործընթացի վերաբերյալ, գնահատել կատարված աշխատանքների համապատասխանությունը նախագծային և նորմատիվատեխնիկական պահանջներին, բացահայտել և գնահատել շինարարական աշխատանքների ընթացքում առկա շեղումները, տարբերակել թաքնված աշխատանքները և ապահովել դրանց պատշաճ փաստաթղթավորումը, կազմել և վարել շահագործման հանձնման գործընթացի համար անհրաժեշտ տեխնիկական փաստաթղթերը, կազմակերպել ընդունող հանձնաժողովի աշխատանքը և նախապատրաստել շահագործման հանձնման ամբողջական փաստաթղթային փաթեթը, կիրառել ՀՀ գործող նորմատիվատեխնիկական պահանջներն ու միջազգային համապատասխան ստանդարտները մասնագիտական գործունեության ընթացքում։

Դասընթացի թեմատիկ ծրագիրը հասանելի է այստեղ:

I, II և III կարգերի մասնագետներ, 05, 06, 13, 14, 21, 22 ծածկագրերով մասնագիտություններ՝ համաձայն ՀՀ քաղաքաշինության կոմիտեի նախագահի 2023 թվականի օգոստոսի 23-ի N 06-Ն հրամանի։

Մասնագիտությունների ամբողջական ցանկը և ծածկագրերը դիտել այստեղ:

Դասընթացը հաջողությամբ ավարտած մասնագետներին կտրամադրվի ՃՇՀԱՀ ռեկտորի և ՀՀ քաղաքաշինության կոմիտեի նախագահի կողմից ստորագրված վկայական:

Ճարտարապետության և շինարարության Հայաստանի ազգային համալսարանի  աշխատակիցները և ուսանողները կարող են դասընթացին մասնակցել վարձավճարի 20% զեղչով։

Դասընթացը երաշխավորված է ՀՀ կրթության, գիտության, մշակույթի և սպորտի նախարարության կողմից: Եկամուտների տարեկան հայտարարագիր ներկայացնող քաղաքացիները կարող են հետ ստանալ մինչև 100 000 դրամ՝ որպես սոցիալական ծախսերի փոխհատուցում:

Եթե շարունական մասնագիտական զարգացման դասընթացին մասնակցում եք քաղաքաշինության բնագավառում մասնագիտական հավաստագիր ստանալու նպատակով, խնդրում ենք մինչև գրանցվելը ուշադրություն դարձնել հետևյալ պահանջներին:

Դասընթացին մասնակցությունը և ՇՄԶ կրեդիտների ստացումն ինքնին չեն երաշխավորում մասնագիտական հավաստագրի տրամադրումը։

Հավաստագիր ստանալու համար մասնագետը պետք է համապատասխանի ՀՀ օրենսդրությամբ սահմանված պահանջներին, այդ թվում՝

·         մասնագետի կրթությունը, մասնագիտությունը և մասնագիտացումը պետք է համապատասխանեն հավաստագրման ենթակա մասնագիտությանը՝ ՀՀ քաղաքաշինության կոմիտեի նախագահի 2023 թվականի օգոստոսի 23-ի N 06-Ն հրամանով սահմանված պահանջներին համապատասխան,

·         մասնագետի մասնագիտական աշխատանքային փորձը պետք է համապատասխանի հավաստագրման ենթակա մասնագիտությանը,

·         դասընթացի համար նախատեսված ՇՄԶ կրեդիտները տրամադրվում են առնվազն 90% մասնակցության և ամփոփիչ գիտելիքի ստուգման գործընթացը հաջողությամբ անցնելու դեպքում։